‘डान्स कर नाहीतर सस्पेंड करुन टाकीन’; तेज प्रताप यादवची पोलिसाला धमकी, पुढे काय झालं पाहा?
अरे शिपाई… अरे दीपक… ऐक… आपण एक गाणं वाजवू आणि तुला त्यावर नाचावं लागेल. जर तू आज नाचला नाहीस तर तुला निलंबित केले जाईल… वाईट वाटून घेऊ नकोस, आज होळी आहे. तेज प्रताप यादव यांचे बालपण मुख्यमंत्र्यांच्या निवासस्थानी गेले. बिहारचे माजी मुख्यमंत्री लालू यादव आणि राबडी देवी यांचे मोठे पुत्र तेज प्रताप यादव स्टेजवर ठेवलेल्या सफेद रंगाच्या सोफ्यावर ‘महाराजा स्टाईल’मध्ये बसले होते. समोर एक सेंटर टेबल होते, ज्यावर दोन प्लेटमध्ये अबीर होता. काही मुले येत-जात होती आणि तेज प्रतापच्या पायावर अबीर घालत होती.
तेज प्रताप यादव यांची होळी
तेज प्रताजच्या शेजारी एक मुलगा बसला होता ज्याने फाटलेला टी-शर्ट घातलेला होता आणि तो रंगाने माखलेला होता. सोफ्यावर फक्त दोनच लोक बसू शकत होते. सोफ्याच्या दोन्ही बाजूला एक प्लास्टिकची खुर्ची ठेवली आहे. तेज प्रतापच्या डावीकडे खुर्चीवर एक वृद्ध माणूस हात जोडून आणि झेंडा घेऊन बसला होता. उजव्या बाजूला, एक माणूस लालू यादव यांचे चित्र असलेला झेंडा घेऊन बसला होता. स्टेजसमोर खुर्च्या ठेवल्या होत्या, ज्यावर १५-२० लोक उपस्थित होते. ते सर्व तेज प्रताप यांचे कार्यकर्ते आहेत.
स्टेजच्या मागे एक बॅनर होता ज्यावर ‘होळी-रंगोत्सव’ लिहिलेले होते. या बॅनरवर तेज प्रताप, त्याचे भाऊ तेजस्वी आणि त्याच्या पालकांचा फोटो आहे. तेज प्रताप यांच्या हातात माईक आहे आणि ते मध्येच काहीतरी बोलत होते. यावेळी, टीव्ही न्यूजचे लोकही तिथे उपस्थित होते आणि मग तेज प्रताप यांनी कॉन्स्टेबल दीपकला नाचवायला लावले.आणि हा सगळा प्रकार कॅमेऱ्यात कैद झाला आहे.
